نظرت إلي في اندهاش وسألتني: (إيه ده هو انتي بأه عندك بندقية!!!؟)ـ
ابتسمت وسألتها: وفيها إيه!
فأجابتني بفرح: كويس عشان نبقى نصطاد بيها حمام.
حينها تملكتني الحيرة, أترى علي أن اشفق على هذا الجيل الصغير الذي تعلم أن البنادق لا تستخدم سوى للصيد!!
أم أحسدهم لأنهم أدركوا مبكرا الحقيقة التي لم ندركها نحن, أن البنادق تصنع الآن فقط كي تقتل الحمائم!!!ـ
*****
كنا نتجول معا, أوقفتني مشيرة إلى صورة كبيرة رسمت على سور مدرسة وسألتني: هوه مين ده؟
أجبتها: ده رئيس مصر
- إزاي يعني رئيس مصر؟ يعني هو اللي عمل مصر؟
-لأ
-يعني هو اللي سماها مصر؟
-لأ
-طب يعني هو اللي بيحكم مصر؟
-أجبتها بنعم, فأطرقت لحظات ثم سألتني: هو حارب مين؟ يعني ضدنا احنا ولا ضد إسرائيل؟
- هو زمان كان ضد اسراائيل دلوقتي بصراحة ما اعرفش هو ضد مين.
- ايه اللي بتقوليه ده!!! مش هو مصري يبقى أكيد ضد إسرائيل.